توضیحات

 این یک مونوگراف تکمیل بوده که دارای پرپوزل هم میباشد شما میتوانید با پیام گذاشتن در وتسپ ما آن را دریافت کنید

وتسپ:۰۷۹۹۱۱۸۸۳۱

مونوگراف به صورت تضمینی بوده که نیاز به تغیرات نداشته  قبلا دفاع و ارایه شده است

---------------------------------------------

  ۱ . ۲ . د څېړنې بیان

د کرنیز سکتور د پرمختیایې هیوادونو لپاره زیات مهم سکتور دی او مخ پر  زیاتیدونکي نفوس لپاره لومړني اړتیاوې برابروي، د کلیوالو خلکو لپاره د ګمارنې فرصتونه برابروي، د ملي عاید او صادراتو په زیاتوالی کې مرسته کوي(Boz او همکاران، ۲۰۰۵). کروندګر مخکي له دي چې په شنو خونو کې د بادرنګو کرلو ته اولویت ورکړي باید د هغوی د عوایدو او لګښتونو په اړه باید ځان اطمینانې کړي. په شنو خونو کې د بادرنګو پر تولید د بازارموندنې فرصتونه هم په مساوي ډول زیات ارزښت لري، بناء کروندګر د معقولو عوایدو لاسته راوړلو کې اطمینانې کوي او مشتریانو ته یې په مشروع قیمت سره وړاندي کوي. په شنو خونو کې د بادرنګو کرنه په یوه کوچني ساحه کې زیات تولیدیږي او د بزګرانو د عوایدو په زیاتوالی کې رول ترسره کوی او یوه لویه اندازه خالصه ګټه کیدای شي په یوه وړوکي ساحه کې ترلاسه شي.  په شنو خونو کې د بادرنګو تولیدول هم د کرنیزو تشبثاتو یو مهم ډول ده چي زیاتو خلکو ته يي د کار زمینه برابره کړي ده. دلته د غزني ولایت مرکز په شنو خونو کې د بادرنګو د تولید او بازراموندنې په برخه کې ډیر ستونزي وجود لري چي عامه ستونزي ژر خوسا کیدل، د مصرف کوونکو له مراکزو څخه په شنو خون کې د بادرنګو د کروندو لیري والی، د مناسبو یخو خونو نشتون، د قرضي د سهولتونه نشتون او د بازارموندنې د معلوماتو نشتون ټول دغه فشارونه کروندګر دي ته مجبوروي ترڅو خپل محصولات په غیر پروسیس شکل او په چټکی سره وروسته له حاصل ټولولو و پلوري نو په نتیجه کې مارکیت له محصولاتو ډکیږي، قیمتونه ټيټيږي او د عوایدو سطحه ټیټوالی مومي.

۱ . ۳ . د څېړنې اهمیت

 یوه ټولنه هغه وخت د ژوند لوړو پوړو ته رسیدای شي چي وګړي يی د ژوند په بیلابیلو اړخونو کې وړ پوهه ولري. د پوهي د لاسته راوړلو او لوړاوی په موخه د نورو لاملونو ترڅنګ د څیړنو، علمي اثارو او کتابونو شتون اړین ګڼل کیږي.

نو بناّ غزنی ولایت  مرکز  په شنو خونو کې د بادرنګو اقتصادي ارزښت تر سرلیک لاندي ساحوی څیړنه په شنو خونو کې د بادرنګو د تولید کوونکو د تولید د زیاتوالی او بازارموندني په برخه کې د پوهاوي لپاره ښه وسیله ګڼل کیږي. پوهیږو چي په شنو خونو کې د نباتاتو کرنه د زیات ارزښت لرونکی ده نو بنأٰ په شنو خونو کې دی. د نباتاتو په تولید، ځانګړتیاوو، اهمیت، پرمختګ او بازارموندني لارو چارو باندي څیړني ترسره شی.

د څیړني د موخي او اړتیا په بنسټ غواړو غزنی ولایت په مرکز کې په شنو خونو کې د بادرنګو اقتصادي ارزښت په برخه کې موثق ارقام په لاس راوړو. پورته کړنې ددې سببب کیږي تر څو په شنو خونو کې د بادرنګو اقتصادي ارزښت معلوم شي.

نوموړي څیړنه د لاندې دلایلو په بنسټ ډیره مهمه  او ضروري ګڼل کیږي:

۱. د غزنی ولایت مرکز په شنو خونو کې د بادرنګو د روزنې اقتصادي مفدیت سنجول.

۳. د غزنی ولایت په مرکز په شنو خونو کې د تولید کوونکو د تولید او بازارموندنې د ستونزو پیژندل. نو پدي بنسټ لازمه ده چي ددې څیړنې په ترسره کولو سره وکړای شو د غزنی ولایت مرکز اړوند شنو خونو کې  دقیق معلومات راټول او د نوموړو ادارو په واک کې ورکولو سره په شنو خونو کې د بادرنګو او نورو سبزیجاتو په برخه کې د پانګې اچونې لپاره لاره هواره شي.

 ۱ . ۴ . د څېړنې موخې

۱ . ۴ . ۱ . د څیړنې اصلې موخه:

۱. د غزني ولایت مرکز په شنو خونو کې د بادرنګو روزنې اقتصادي ارزښت.

۱ . ۴ . ۲ . فرعي موخې:

۱. د غزني ولایت مرکز په شنو خونو کې د بادرنګو اقتصادي اړخ مطالعه کول.

۲. د غزنی ولایت مرکز په شنو خونو کې د بادرنګو روزنې د تولید او بازارموندنې ستونزي.

۱ . ۵ .   د څېړنې پوښتنې

۱ . ۵ . ۱ . د څیړنې اصلي پوښتنه:

۱. آیا د غزنی ولایت په مرکز کې په شنو خونو کې د بادرنګو روزنه اقتصادي ارزښت لري؟

۱ . ۵ . ۲ . فرعي پوښتنه:

۱. آیا د غزنی ولایت مرکز کې په شنو خونو کې د بادرنګو روزنه اقتصادي ګټورتوب لري؟

۲. آیا د غزنی ولایت مرکز کې په شنو خونو کې د بادرنګو د تولید او بازارموندنې پر وړاندي ستونزي شتون لري؟

خلاصه تحقیق

په افغانستان کې زراعت د اقتصادي ودې او د خلکو د معیشت لپاره اساسي او حیاتي اهمیت لري. زراعت نه یوازې د هېواد د خوراکي موادو اساسي سرچینه ده، بلکې زرګونه کورنۍ هم له همدې لارې خپل ورځنی عاید ترلاسه کوي. په دې منځ کې، د غزني ولایت شنې خونې د بادرنګو د تولید یو مهم مرکز بلل کېږي، چې د دې سیمې د خلکو په اقتصادي وضعیت کې لویه ونډه لري. شنې خونې د نوې زراعتي تکنالوژۍ یوه ښه بېلګه ده چې د موسمي محدودیتونو په له منځه وړلو او د محصولاتو په ډېرښت کې مرسته کوي

اشتراک‌گذاری: